"महाशाखामा आज......."

“ कुनै दम्पतिको चार जना केटाकेटी मध्ये एक जनाले भान्सामा राखेको स्याउ चोरेर खाएमा उसले नभनेसम्म त्यो कुरा त पत्ता लगाउन सकिदैन भने महानगरको एक निर्जन स्थानमा रातको समयमा संगठीत र सुनियोजित तरिकाले गरिएको अपराध पत्ता लगाउन कति सहज होला ? ”
**********************************************************
“अनलाईनका संचालक पक्राउ”

घटना विवरण:-

मिति २०७५।०९।२८ गतेको nepaltalk.com र मिति २०७५।०९।२९ गतेको muktikhabar.com मा विवेकशिल नेपाली पार्टिकी नेतृ रन्जु दर्शना (न्यौपाने)को चरित्र हत्या गर्ने किसिमको अश्लिल समाचार संप्रेषण गरी जनतामा भ्रम सृजना गर्ने कार्यमा संलग्न उल्लेखित अनलाईनका संचालक जि.सिन्धुपाल्चोक, मेलम्ची न.पा.वडा नं.१३ स्थायी वतन भई हाल जिल्ला काठमाण्डौ, का.म.न.पा. वडा नं.३० शान्तिनगर बस्ने वर्ष २४ को श्याम रोकालाई यस अपराध महाशाखाको टोलीले का.जि.बुढानिल्कण्ठ न.पा.वडा नं.६ बाट नियन्त्रणमा लिई विद्युतिय अपराध तथा कसुर अन्तर्गत अनुसन्धान सुरू गरिएको तथा यस प्रकारका कुनै पनि भ्रमपूर्ण झुठो खवरहरू संप्रेषण नगर्न नगराउन हुन सबैमा अनुरोध गरिएको छ ।

पक्राउ व्यक्ति:-
१.नामथर :- श्याम रोका
उमेर:- २४ बर्ष
ठेगाना :- जि.सिन्धुपाल्चोक, मेलम्ची न.पा.वडा नं.१३
हाल :- जिल्ला काठमाण्डौ, का.म.न.पा. वडा नं.३० शान्तिनगर
पेशा :- मुक्ति मिडिया प्रा.ली. र नेपाल टक डट कम (nepaltalk.com) का संचालक

मिति २०७५।१०।०१ गते ।

************************************************************
"हुण्डिको कारोबारमा संलग्न दुई जना ब्यक्तीहरु पक्राउ"

काठमाण्डौ उपत्यकाभित्र केही ब्यक्तीहरुले राजश्व छली गैरकानूनी रुपमा हुण्डि मार्फत बित्तिय कारोबार गर्दै आएको सूचनाका आधारमा राजश्व छली गर्ने ब्यक्तिहरुको निग्रानी राख्न खटिएको बिशेष टोलीले मिति २०७५।०९।२९ गते दिउसो काठमाण्डौको न्युरोड भुगोलपार्क अगाडिबाट बा ७ च २५६९ नं. को कारलाई शंका लागि चेकजाँच गर्दा कार चालक भरत बहादुर बस्नेतले निलो रङको झोलामा नेपाली जम्मा रु. ३५,००,०००।–(पैतिस लाख) लिई हिडेको अबस्थामा फेला पारी सोधपुछ गर्दा श्रोत खुलाउन नसकेको, उक्त रकम बिशालबजारमा रहेको कन्टिनेन्टल मनि एक्स्चेन्जका संचालक सुनिल श्रेष्ठले दिएको भनि खुल्न आई निज सुनिल श्रेष्ठलाई समेत पक्राउ गरी भरत बहादुर बस्नेतले चलाएको गाडिबाट फेला परेको रु. ३५,००,०००।– समेत बरामद गरी निजहरु दुबैजना उपर राजश्व छली सम्बन्धमा अनुसन्धान कारबाहीको लागि राजश्व अनुसन्धान बिभागमा पठाउने कार्य भई रहेको ।

पक्राउ परेका व्यक्तिको विवरण:-
नाम :-भरत बहादुर बस्नेत ।
उमेर :- ५५ बर्ष ।
ठेगाना:- जि। सोलुखुम्बु नेचासल्यान गा.पा, ७
हाल :- ललिपुर जिल्ला ल.पु.म.न.पा. वडा नं. २ सानेपा ।

नाम :- सुनिल श्रेष्ठ ।
उमेर :- ३८ बर्ष ।
ठेगाना :- का.जि.का.म.न.पा.वडा नं. १० नयाँबानेश्वर ।
ललिपुर जिल्ला ल.पु.म.न.पा. वडा नं. २ ।

मिति २०७५।०९।३० गते ।

************************************************************
“व्यापार, व्यवसाय तथा विवाह गर्ने भनि महिलालाई प्रलोभन देखाई ठगी गर्ने व्यक्ति पक्राउ ”

जिल्ला दाङ घोराही न.पा. वडा नं. १५ मा देउराली दोहोरी साँझ सन्चालन गरी बस्ने देवकला बस्नेतलाई रविन कुमार चिमरियाले भेटी चिनजान गरी आपूm अष्ट्रेलियाबाट आएको, म तिमिलाई विवाह गर्छु, हामी दुवै जना भएर चितवनमा व्यापार व्यवसाय गरौं भनि विश्वास दिलाई दोहरी साँझा विक्री गर्न लगाई उद्योग दर्ता गर्नको लागि रकम आवश्यक प¥यो भनि देवकला बस्नेतसँग जम्मा रु. २०,००,०००।– लिई अलपत्र पारेकोमा पिडितले निज रविन कुमार चिमरियासँग सम्पर्क गर्दा रु. ६,३७,८३०।– फिर्ता गरी धम्की समेत दिई पिडितलाई तिर्नु पर्ने वाँकी रु. १३,६२,१७०।– रकम नदिई ठगी गरेको भन्ने उजूरीको आधारमा यस महाशाखाबाट खटिएको टोलीले ठगीमा संलग्न रविन कुमार चिमरियालाई मिति २०७५।०९।२७ गते वेलुका काठमाण्डौको सुन्धाराबाट पक्राउ गरी ठगी सम्बन्धि कसूरमा आवश्यक अनुसन्धान भईरहेको ।

पक्राउ परेका व्यक्तिको विवरण :-
नाम :- रविन कुमार चिमरिया
उमेर :- ३६ वर्ष
ठेगाना :- जिल्ला पाँचथर फलैंचा गाउँपालिका वडा नं. ४ ।
का.जि. वुढानिलकण्ठ न.पा. वडा नं. ५ बस्ने ।

मिति २०७५।०९।२९ गते ।
************************************************************
“अदालतबाट १२ करोड जरिवाना तथा २ बर्ष कैद ठेकिएका फरार अभियुक्त पक्राउ”
घटना विवरण :-

जिल्ला ललितपुर ललितपुर उप-महानगरपालिका वडा नं. ३ स्थित नेपाल बिटुमिन तथा व्यारेल उद्योग लिमिटेडका संचालक अशोक कुमार श्रेष्ठको जाहेरीले वादी नेपाल सरकार प्रतिवादी योगेन्द्रमणी दाहाल भएको ठगी मुद्धामा सम्मानित ललितपुर जिल्ला अदालतबाट जम्मा बिगो रु. १२,३५,९६,५०४ / ५४ ठगी गरेको पुष्टी हुन आई निज प्रतिवादीलाई बिगो बमोजिम जरिवाना र २ (दुई) बर्ष कैद सजाँय हुने ठहर भई मिति २०७४।०८।१४ मा फैसला भई फरार रहेकोमा मिति २०७५।०९।२७ गते दिउसो १०:३० बजेको समयमा यस महाशाखाबाट खटिएको बिशेष टोलीले फरार रहेका योगेन्द्रमणी दाहाल लाई काठमाण्डौंको बालुवाटारबाट पक्राउ गरी आवश्यक कारवाहीको लागि सम्मानित ललितपुर जिल्ला अदालतमा पठाउने कार्य भैरहेको ।

पक्राउ परेका व्यक्ति :-
नामथर :- योगेन्द्रमणी दाहाल
हालको उमेर :- ५२ बर्ष
बुवाको नामथर :- मोहनमणी दाहाल
ठेगाना :- जिल्ला भक्तपुर ठिमि नपा- १७ कौशलटार
हाल :- काजि. कामनपा-४ बालुवाटार

मिति :- २०७५।०९।२७ गते ।
*************************************************************
"बैकिङ कसूर मुद्दाका व्यक्ति पक्राउ"
घटना विवरण :

जिल्ला पाल्पा रिब्दीकोट गाउँपालिका वडा नं.२ बस्ने वर्ष ३४ को निश्‍चल भन्ने गणेश ढकालले का.जि.का.म.न.पा.३२ पुतलीसडक स्थित GETS नामक कन्सल्टेन्सी खोली जिल्ला भक्तपुर सुर्यबिनायक बस्ने आभाष खनाललाई क्यानडा पठाई दिन्छु भनी ७,०००००।– ( रु.सात लाख) नगद लिई क्यानडा नपठाई ठगी गरीकोमा निजले बैक मौज्दात नरहेको चेक दिई, कन्सल्टेन्सी समेत बन्द गरी फरार रहेकोमा निजलाई यस महाशाखाबाट खटिएको बिशेष टोलीले मिति २०७५।०९।२४ गते पक्राउ गरी आवश्यक अनुसन्धान भईरहेको ।

साथै, निजले अन्य २५/३० जना मानिसहरु समेतलाई अष्ट्रेलिया, क्यानडा पठाई दिन्छु भनी अन्दाजी १,५०,०००००।– ( एक करोड पचास लाख) भन्दा बढी रकम लिई बैक मौज्दात नरहेको चेक दिएको भन्ने प्रारम्भिक अनुसन्धानबाट खुल्न आई थप अनुसन्धान भईरहेको ।

पक्राउ परेको व्यक्ति :-
१.नाम :- गणेश ढकाल
उपनाम:- निश्‍चल
उमेर :- ३४ बर्ष
पेशा:-GETS नामक कन्सल्टेन्सी संचालक
स्थायी वतन :- पाल्पा रिब्दीकोट गाउँपालिका वडा नं.२
हाल: का.जि.का.म.न.पा.३२ पुतलीसडक
मिति: २०७५।०९।२५ गते ।
*************************************************************
“चन्दा माग गरी फोनबाट धमक्याउने व्यक्तिहरु पक्राउ”
घटना विवरण:-

काठमाण्डौं उपत्यका लगाएतका बिभिन्न स्थानमा बस्ने व्यापारीहरु समेतलाई फोन गरी नेकपा माओवादी बिप्लव समुहहरुको नामबाट चन्दा माग गर्दै र माग बमोजिम चन्दा नदिएमा भौतिक कारवाही गर्ने धम्की दिने गरेको भन्ने यस महाशाखामा गोप्य सूचना प्राप्त भए अनुसार यस महाशाखाबाट खटिएको प्रहरी टोलिले उक्त कार्यमा संलग्न व्यक्तिहरुको खोजतलास एवं अनुसन्धान गर्ने क्रममा मिति २०७५।०९।१९ गते बेलुका १६:३० बजेको समयमा का.जि. का.म.न.पा. वडा नं. ११ थापाथलीमा निम्न स्थानमा बस्ने निम्न व्यक्तिहरुलाई फेला पारी पक्राउ गरी निजहरु उपर थप आवश्यक अनुसन्धान कारवाही भैरहेको ।

पक्राउ परेका व्यक्तिहरु:-
१.नामथर :- लोकेन्द्र राज थापा
उमेर :- ३१ बर्ष
ठेगाना :- जिल्ला दैलेख भगबतीमाई गा.पा.७ घर भई हाल ललितपुर भैसीपाटी
हैसियत (पद) :- नेकपा बिप्लब समुहको अखिल नेपाल क्रान्तिकारी
ट्रेडयूनियन महासंघको केन्द्रिय सदस्य, हाईड्रो तथा खानीको मजदुर संगठनको केन्द्रिय अध्यक्ष ।

२.नामथर :- केशब बहादुर बुढा
उमेर :- ३७ बर्ष
ठेगाना :- जिल्ला दैलेख भगबतीमाई गा.पा.७ घर भई हाल ललितपुर भैसीपाटी
हैसियत (पद) :- नेकपा बिप्लब समुहको अखिल नेपाल क्रान्तिकारी
ट्रेडयूनियन महासंघको हाईड्रो तथा खानीको केन्द्रिय महासचिव।

३.नामथर :- बिकाश थापा
उमेर :- ३१ बर्ष
ठेगाना :- जिल्ला गोरखा सुलीकोट गा.पा. वडा नं. ५ घर भई हाल ललितपुर भैसीपाटी
हैसियत (पद) :- नेकपा बिप्लब समुहको अखिल नेपाल क्रान्तिकारी ट्रेडयूनियन महासंघको शाखा हाईड्रो तथा खानीको केन्द्रिय उपाध्यक्ष ।

मिति २०७५।०९।२० गते ।

************************************************************
“कटुवा पेस्तोल र २ राउण्ड गोली सहीत मानिस पक्राउ”

घटना विवरण:-

जिल्ला कालीकोट रासकोट न.पा.-०२ घर भई हाल काठमाण्डौ जिल्ला काठमाण्डौ महानगरपालीका-२६ कपुरधारा बस्ने बर्ष २० को भोजराज खड्काले अबैध हातहतीयारको कारोबार गर्ने गरेको भन्ने बिशेष सुराकीको आधारमा यस महानगरीय अपराध महाशाखा टेकु बाट खटीएको बिशेष प्रहरी टोलीले मिति २०७५।०९।१५ गतेको अं २०:०० बजेको समयमा काठमाण्डौको कपुरधारामा निज भोजराज खड्कालाई फेला पारी सोधपुछ गर्दा निजले काठमाण्डौ जिल्ला काठमाण्डौ महानगरपालीका-२६ लैनचौर स्थीत डेरा कोठामा हतियार लुकाएर राखेको भनी बताएकोले निजको उक्त डेरा कोठा खानतलासी गर्दा कोठा भित्र रहेको लो बेड मुनी रातो रंगको झोलामा कटुवा पेस्तोल र गोली राउण्ड २ लुकाई छिपाई राखेको अवस्थामा बरामद गरी निजलाई पक्राउ समेत गरी बरामदीत हतियार तथा गोलीको सम्बन्धमा अन्य बिस्तृत अनुसन्धान कार्या जारी राखीएको ।

पक्राउ व्यक्ति:-
१. नामथर :- भोजराज खड्का
ठेगाना:- जिल्ला कालीकोट रासकोट न.पा. ०२
हाल :- काठमाण्डौ जिल्ला काठमाण्डौ का.म.न.पा -०२ कपुरधारा
उमेर :- २० बर्ष ।
बरामद भएका सामान:-
१.कटुवा पेस्तोल थान-१
२.ऐ.लाग्ने गोली राउण्ड-२
मिति:-२०७५।०९।१६ गते ।
*************************************************************
"सामाजिक संजाल प्रयोग गरी प्रलोभन देखाई ठगी गर्ने बिदेशी तथा नेपाली नागरिक पक्राउ :

घटना विवरण :

विभिन्न व्यक्तिहरूलाई सामाजिक संजाल Facebook, Whats App, Viber, Imo लगायत भारतिय मोबाईल नम्बरबाट सम्पर्क गरी तपाईको नाममा पार्सल पठाएको छ उक्त पार्सल लिनको लागि तपाँईले चार्ज तिर्नु पर्दछ र उक्त चार्ज नेपालका विभिन्न बैंकहरूको खातामा जम्मा गर्नु पर्छ भनि विभिन्न किसिमका आश्वासन देखाई पटक-पटक रकम जम्मा गर्न लगाई आठ जना व्यक्तिहरूको रकम ठगी गर्ने कार्यमा संलग्न Ivory Coast का नागरिक Ouattara Allakagni र नेपाली नागरिक कुसुम कायस्थलाई यस अपराध महाशाखाको विशेष टोलिले मिति २०७५।०९।१५ गते का.जि.पेप्सिकोलाबाट पक्राउ गरी ठगी मुद्दा अन्तर्गत आवश्यक अनुसन्धान जारी रहेको ।

प्रारम्भिक अनुसन्धानबाट खुल्न आएका कुराहरू :
१.निजहरू श्रीमान श्रीमतीको रूपमा का.जि.पेप्सिकोलामा फ्लाईट भाडामा लिई बस्दै आएका ।
२.निजहरूले रू.१४ लाख ३४ हजार ९ सय ७२ रूपैयाँ ठगी गरेको देखिएको ।

पक्राउ व्यक्तिहरू :
१.नाम थर : कुसुम कायस्थ
उमेर : ३२ वर्ष ।
ठेगाना : जिल्ला काभ्रे, भुम्लुटार गा.वि.स. वडा नं. ६
हाल : का.जि.पेप्सिकोला

२.नाम : Ouattara Allakagni
उमेर : ३२ वर्ष
ठेगाना : Abidjan Treichville Arras - 4
हाल : का.जि.पेप्सिकोला
Passport No : 15AH420166
मिति : २०७५।०९।१६ गते ।
**********************************************************
“विभिन्न सरकारी तथा शैक्षिक संस्थाहरुको कार्यालय छाप तथा कर्मचारीको दस्तखत समेत किर्ते गर्ने व्यक्तिहरु पक्राउ :”

मिति २०७५।०९।०८ गते रातको अं.०८:३० बजेको समयमा काठमाण्डौका बिभिन्न स्थानहरुबाट +2, त्रिबिका स्नातक र स्नातकोत्तरका ट्रान्सक्रिप्ट सो को ईष्टिकर, होलोग्राम लगायत जग्गा धनि लाल पुर्जा , पासपोर्ट, स्मार्ट लाईसेन्स, भिसा, सुरक्षा निकायका परिचय पत्र, बिबाह दर्ताका प्रमाण पत्र र कम्प्युटर थान- १, हार्डडिक्स,२ वटा प्रिन्टर मेशिन समेत बिभिन्न सरकारी तथा गैर सरकारी निकायका रबर छाप ‍ सहित नक्कली प्रमाण पत्र तयारगर्ने क्रममा जिल्ला काठमाण्डौ का.म.न.पा. वडा नं. १ नक्साल घर भएको बर्ष ३२ को दिपक के.सी. समेत ३ जनालाई उपत्यकाका बिभिन्न स्थान बाट पक्राउ गरी सरकारी छाप दस्तखत किर्ते मुद्धामा अनुसन्धान भइरहेको ।

पक्राउ परेका व्यक्तिहरु :
१. जिल्ला सुनसरी इटहरी उपमहानगरपालिका वडा नं.२ बस्ने वर्ष २८ को तारा सुबेदी ।
२. जिल्ला काठमाडौ १ नक्साल घर भएको वर्ष ३२ को दिपक के.सी. ।
३. जिल्ला सल्यान रामपुर गा.पा. वडा नं.३ ढोरेनी स्थायी घर भई
का.जि.स्वयम्भु डेरा गरी बस्ने वर्ष ३६ को बल बहादुर राउत ।
बरामद भएका दशीका सामानहरु :
१. त्रिभुवन विश्वविद्यालय अन्तर्गतका कलेजको छापहरु
२. त्रिभुवन विश्वविद्यालयको होलोग्रामका छापहरु
३. उच्च माध्यमिक शिक्षा परिषदको छापहरु
४. CTEVT, वित्तिय संस्थाका छापहरु
५. नक्कली सवारी चालक अनुमति पत्रहरु
६. कागजात तयार गर्न प्रयोग गर्ने प्रिन्टर थान – २
७. प्रिन्टरमा प्रयोग गरिने विभिन्न रंगको मसी थान -५
८. कम्प्युटर सेट थान
९. सर्टिफिकेट, सवारी चालक अनुमति पत्र बनाउन र फोटो छाप्न प्रयोग हुने कागजहरु

कानुनी व्यवस्था :
मुलुकी अपराध (संहिता) ऐन २०७४ को परिच्छेद २५ को लिखित सम्बन्धि कसुरमा सरकारी कागज किर्ते गर्नेलाई ७ वर्षसम्म कैद र ७०,०००।- (सत्तरी हजार) जरिवाना हुने प्रावधान रहेको ।
अन्य बिस्तृत बिवरणको लागी सम्पर्क अधिकृतसंग सम्पर्क गर्न हुन :
मिति २०७५।०९।०९ गते।

*************************************************************
“दुर्लभ बन्यजन्तु गैंडाको खाग सहित मानिस पक्राउ”

घटनाको छोटकरी विवरण :-

मिति २०७५।०९।०६ गते का.जि.का.म.न.पा. २६ सामाखुशी स्थित सडकमा केही मानिसहरु गैंडाको खाग बोकी बेचबिखन गर्ने भनि हिँडिरहेका छन् भन्ने गोप्य सुचना यस कार्यालयमा प्राप्त भए पश्चात यस महानगरीय अपराध महाशाखा बाट खटिई गएको बिशेष प्रहरी टोलीले शंकास्पद ब्यक्तिहरुलाई चेकजाँच गर्ने क्रममा तपसिलमा ठेगाना भएका किरण अमगाई, सुदिप दियाल, चित्र बहादुर बराम, मिन लाल रानालाई फेला पारी निजहरुको शरीर खानतलासी गर्दा मिन लाल रानाले लगाएको पाईन्टको अगाडीको बाँया खल्तीमा गैंडाको खाग थान १ फेला पारी बरामद गरी निजहरु चारै जनालाई नियन्त्रणमा लिई अनुसन्धान गर्दा गैंडाको खागको कारोबार गर्ने कार्यमा सरोज बि.क. र पम बहादुर परियारको समेत संलग्नता खुल्न आई निजहरु ६ जनालाई पक्राउ गरी आवश्यक कारबाहीको लागी जिल्ला बन कार्यालय, हात्तिवन ललितपुर पठाउने तयारी गरिएको ।

पक्राउ अभियुक्त
नाम :- मिन लाल राना
उमेर :- ३३ वर्ष
ठेगाना :- जिल्ला तनहुँ कोटदरबार गा.बि.स वडा नं. ९
हाल :- का.जि .मित्रनगर

नाम :- किरण अमगाई
उमेर :- २१ वर्ष
ठेगाना :- जिल्ला गोरखा,सुलिकोट गा.पा वडा नं. ६ ताकुकोट
हाल:- का.जि. बसस्थली

नाम :- सुदिप दियाल
उमेर :- २४ वर्ष
ठेगाना :- जिल्ला गोरका न.पा. वडा नं. ९ ताप्ले
हाल :- का.जि.बालाजु

नाम :- चित्र बहादुर बराम
उमेर :- २० वर्ष
ठेगाना :- जिल्ला गोरखा सुलिकोट गा.पा. वडा नं. ९
हाल :- का.जि ठुलो भर्‍याङ्

नाम :- पम बहादुर परियार
उमेर :- ३५ वर्ष
ठेगाना :- जिल्ला गोरखा ताप्ले गा.बि.स वडा नं. ३
हाल :- का.जि .डल्लु

नाम :- सरोज बि.क
उमेर :- २२ वर्ष
ठेगाना :- जिल्ला गोरखा ताप्ले गा.बि.स वडा नं. ९३
हाल :- का.जि .डल्लु

बरामद भएका सामान :-
कानुनी सजायको व्यबस्थाहरु :-
राष्ट्रिय निकुञ्ज तथा बन्यजन्तु संरक्षण ऐन, २०२९ बमोजिम कसुर गर्नेलाई ५ लाख देखी १० लाख सम्म जरिवाना तथा ५ बर्ष देखी १५ बर्ष सम्म कैद वा दुबै सजाय हुने व्यबस्था रहेको छ ।

मिति :- २०७५।०९।०६ गते ।
************************************************************
जीउ मास्ने बेच्ने मुद्धाका फरार अभियुक्त पक्राउ”

घटना बिबरण :-

जिल्ला कैलाली, धनगढी उपमहानगरपालिका वडा नं.६ जाली घर भई हाल का.जि.का.म.न.पा. सितापाईला बस्ने वर्ष ३५ को सुरज कोली जिउ मास्ने बेच्ने मुद्दामा १२ बर्ष कैद भएकोमा ९ बर्ष ३ महिना कैद सजाय भुक्तान गरी मिति २०७३/०६/२० गते देखि जिल्ला कारागार कैलालीबाट फरार रहेकोमा यस महाशाखाबाट खटिएको बिशेष टोलीले खोजतलाश गर्ने क्रममा मिति २०७५/०९/०६ गते का.जि.का.म.न.पा. ४ सितापाईलाबाट पक्राउ गरेको र जिल्ला कारागार कैलाली पठाउने तयारी गरिएको ।

पक्राउ व्यक्तिको विवरण:
नाम : सुरज कोली
उमेर : ३५ वर्ष
ठेगाना : जिल्ला कैलाली, धनगढी उपमहानगरपालिका वडा नं. ६ जाली ।

मिति :- २०७५।०९।०६ गते ।
***********************************************************
"६ महिनाकी गर्भवतीको हत्या गरि फरार अभियुक्तहरु पक्राउ"
मृतकको विवरण:
मृतकको नाम : अजिता मल्ल
उमेर : २६ वर्ष
पेशा : शिक्षिका
मृतकको श्रीमानको नाम : धर्मराज शाही
ठेगाना : जि.मुगु सोरु गाउँपालिका -८ हाल का.जि.टोखा न.पा.-८ मिलनटोल
घटनास्थल : का.जि.टोखा न.पा.-८ मिलनटोलस्थित तारानाथ अर्यालको घरमा
घटना घटेको मिति : २०७५/०९/०१ गते ।

घटनाको संक्षिप्त विवरण :

मिति २०७५/०९/०१ गते का.जि.टोखा न.पा.-८ मिलनटोलमा रहेको तारानाथ अर्यालको घरमा डेरा गरि बस्ने जिल्ला मुगु सोरु गाउँपालिका-८ निवासी वर्ष-२६ की अजिता मल्ललाई मुख थुनी घाँटी थिची हत्या गरि घटना पश्चात् फरार रहेका जि. मुगु सोरु गाउँपालिका-८ बस्ने वर्ष- २५ की विष्णूमाया मल्ल (शाही) लगायतका ४ जनालाई विशेष सुचनाको आधारमा अपराध महाशाखाको प्रहरी टोलीले मिति २०७५/०९/०२ गते काठमाण्डौंका विभिन्न स्थानहरुबाट पक्राउ गरी यस कार्यालयमा ल्याई सोधपुछ गर्दा निजहरुले आफुले गरेको अपराध स्विकार गरेको र अन्य अनुसन्धान जारी रहेको ।

घटनाको कारण :- आफुमाथी सौता हालेको रिस र खान लगाउन नदिएको ।
पक्राउ अभियुक्त
नाम : विष्णुमाया मल्ल (शाही)
उमेर : २६ वर्ष
ठेगाना : मुगु सोरु गाउँपालिका-८

नाम : भगवती मल्ल
उमेर : २६ वर्ष
ठेगाना : जि.मुगु छायाँनाथ रारा न.पा.-१

नाम : रिता के.सी.
उमेर : २३ वर्ष
ठेगाना : जि.कास्की पोखरा लेखनाथ म.न.पा.-८

नाम : गान्दिपराज मल्ल
उमेर : २१ वर्ष
ठेगाना : जि.मुगु छायाँनाथ रारा न.पा.-१

मिति : २०७५/०९/०२ गते ।

************************************************************
“जवरजस्ती करणी मुद्दामा उच्च अदालतबाट पुर्पक्ष थुनामा राख्ने आदेश भएका प्रतिबादीहरु पक्राउ”

घटनाको छोटकरी विवरण :-

ललितपुर परिवर्तित नाम थर गोदामचौर (क) समेतको जाहेरीले बादी नेपाल सरकार प्रतिवादीहरू विशालध्वज कार्की र पवन कुँवर र रघु सिलवाल समेत भएको जवरवस्ती करणी समेत मुद्दामा सम्मानित ललितपुर जिल्ला अदालतको मिति २०७४।०९।२६ गतेको आदेशले अ.ब.४७ नं. बमोजिम प्रतिवादीहरू रघु सिलवाल, विशालध्वज कार्की र पवन कुँवर तारेखमा छुटेकोमा सम्मानित उच्च अदालत पाटन ललितपुरको मिति २०७४।१०।२५ गतेको आदेशले तारेखमा छुटेका उल्लेखित ३ जना प्रतिवादिहरूलाई अ.ब.११८ को देहाय (२) बमोजिम थुनामा राखी मुद्दाको पुर्पक्ष गर्न आदेश भई आएकोले यस अपराध महाशाखाको विशेष टोलीले उल्लेखित प्रतिवादीहरूको खोजतलास गर्ने क्रममा तपसिलमा उल्लेखित ठेगाना भएका विशालध्वज कार्की र पवन कुँवरलाई मिति २०७५।०८।२६ गते १३:५० बजेको समयमा ललितपुर जिल्लाको गोदावरीबाट पक्राउ गरी आवश्यक अनुसन्धान भईरहेको ।

पक्राउ प्रतिबादीहरु:-
१. नाम :- विशालध्वज कार्की
उमेर :- २१ बर्ष
ठेगाना :- जि.ललितपुर, गोदावरी न.पा.वडा नं.१ गोदामचौर

२. नाम :- पवन कुँवर
उमेर :- २१ बर्ष
ठेगाना :- जि.ललितपुर, गोदावरी न.पा.वडा नं.१ गोदामचौर

मिति: २०७५/०८/२६ गते ।

*************************************************************
“ डाँका मुद्धाका फरार प्रतिबादी प्रहरी मुटभेडमा घाईते ”
घटनाको छोटकरी विवरण :-

मिति २०७५।०८।२१ गते दिउँसो १३:२० बजेको समयमा का.जि.का.म.न.पा.वडा नं. ९ कालोपुल मार्गमा जि. सुनसरी ईटहरी उप-महानगरपालिका वडा नं. ५ घर भई हाल का.जि.का.म.न.पा. वडा नं. २९ अनामनगर बस्ने वर्ष अं. ४६ को राजन लिम्बुलाई यस अपराध महाशाखाको विशेष अनुसन्धान टोलीले नियन्त्रणमा लिने क्रममा निजले प्रहरी टोलीलाई लक्षित गरी हतियार ताकेको हुँदा जवाफी फायरिङको क्रममा निजको वाँया तिघ्रामा गोली लागी घाईते भएको र निजको ट्रमा सेन्टरमा उपचार भईरहेको थप अनुसन्धान भईरहेको ।

व्यक्तिको विवरण:-
१. नाम :- राजन लिम्बू ।
उमेर :- ४६ बर्ष ।
ठेगाना :- जि.सुनसरी ईटहरी उप- महानगरपालिका वडा नं. ५ पचरुखी ।
हाल :- का.जि.का.म.न.पा.वडा नं. २९ अनामनगर ।
बरामदी सामान :- पेस्तोल थान-१ ऐ. को गोली राउण्ड ४ ।
राजन लिम्बु संलग्न रही फरार रहेका घटनाहरु ;-
१. भक्तपुरको दत्तात्रय बस्ने माधब बनेपालीलाई कर्तब्य गरी मारेको ज्यान मुद्दामा संलग्न भई कैद भुक्तान गरेको ।

२. मिति २०६२।०७।०२ गते काठमाण्डौ परिसर बाट मुद्दा दर्ता नं. ६२९ मा डाका मुद्दामा फरार प्रतिबादी थमन गुरुङ समेतका ६ जनाको समुहले हात हतियार सहित आई जाहेरबाला सन्तोष लिम्बुलाई नियन्त्रणमा लिई नगद तथा जिन्सी सामानहरु डाका गरि लगेको हुँदा निजलाई कानुन बमोजिम कारबाही गरि पाँउ भनि सन्तोष लिम्बु , पासाङ लामा समेतको जाहेरी ।

३. मिति २०७३।११।१५ गते मुद्दा दर्ता न १७९ झापा काकडभित्ता बाट डाँका मुद्दामा फरार रहेको .
प्रतिवादी : राजन लिम्बु , ईटहरी न.पा. सुनसरी ।

वारदात मिति र समय र स्थानमा, को २८ प ४४४ नं को बुलेट मो.सा. चढी आएका पुर्ण बहादुर लुङगेली मगर समेतका मानिसहरुलाई जिवन बिकास लघु बिद्युत संस्थाका कर्मचारीलाई पेस्तोल देखाई घर्रामा भएको नगद रु १०,०००।- सोही संस्थामा कारोबार गर्न आएका बिर बहादुर प्रधानको साथमा रहेको नगद रु ९०,०००।-समेत लिई फरार रहेकोमा प्रतिबादी चेतनारायण यादवको जाहेरी दरखास्त ।

४. मिति २०६३।०४।३० गते काठमाण्डौ परिसर बाट मुद्दा दर्ता न २०१ डाँका मुद्दामा फरार रहेको ।
जाहेरवाल :- रबिन राई
वारदात मिति समय र स्थानमा प्रतिबादीले जाहेरवाला लाई गेस्ट हाउसवाट हतियार देखाई मुल्य रु ८६५००।- बराबरको धनमाल डाँका गरी लगेकोमा निजलाई कानुन बमोजिम कारबाही गरि पाँउ भन्ने जाहेरी ।
५. मिति २०६३।०६।२१ गते परिसर काठमाण्डौ मुद्दा दर्ता ५७३ डाका मुद्दामा फरार ।
वारदात मिति समय र स्थानमा प्रतिवादी समेतले गेस्ट हाउसको काउन्टरमा पसि पेस्तोल देखाई नगद रु ३,६१,१००।- बराबरको धनमाल डाका गरेको हुँदा कानुन बमोजिम गरि पाँउ भन्ने जाहेरी ।
६. मिति २०६३।०५।२० गते परिसर काठमाण्डौको मुद्दा न. ३३८ मा डाका मुद्दामा फरार
जाहेरवाला :- कृण्ण बहादुर मगर ।

वारदात मिति समय र स्थानमा प्रतिबादी ४ जनाले जाहेरवालाको रोवल को-अपरेटिभ लि. को कार्यालयमा प्रवेश गरि पेस्तोल देखाई नगद रु ११,३०,९२२।- बराबरको धनमाल डाँका चोरी गरि लगेकोमा कानून बमोजिम कारबाही गरि पाँउ भन्ने जाहेरी ।

७. सुनसरी ईटहरीमा सबिन दाहालले सञ्चालन गरेको Active money transfer मा मिति २०७५।८।१२ गते सञ्चालक सबिन दाहाललाई छुरा प्रहार गरी घाईते बनाई नगद रु ३,००,०००।- डाँका गरी फरार रहेको ।

मिति: २०७५/०८/२१ गते ।

***********************************************************
“डलर देखाई ठगी गर्ने कार्यमा संलग्न ब्यक्तिहरु पक्राउ”
घटना विबरण:-

विगत केही समय देखि काठमाण्डौ उपत्यकाभित्र चोरी, डकैती, लुटपाट तथा सर्बसधारण मानिसहरुलाई डलर देखाई ठगी गर्ने कार्यमा संलग्न रहेका बिभिन्न मानिसहरुको खोजी गर्ने क्रममा, मिति २०७५।०६।१७ गते का.जि.का.म.न.पा. वडा न ४ सुकेधारा एरियामा रमन कुमार साह र मिति २०७५।०५।१९ गते का.जि. का.म.न.पा. वडा न ५ हाँडीगाउँ, कृष्ण मन्दिर एरियामा शक्ती खड्कालाई बोलाई आफु संग भएको कागज तथा रु.२०/२० दरको नोटको खुद्रा रुपैया लाई पोको पारी दाँया बाँया डलर राखी बिचमा कागज तथा रु. २०/२० दरका नोटको बिटो बनाई डलर भनि देखाई पिडितको साथमा भएको नगद ठगी गर्ने कार्यमा संलग्न रहेका जिल्ला सिन्धुपाल्चोक बाह्रबिसे न.पा. वडा नं. ६ घर भई हाल लोकन्थली बस्ने नारायण बहादुर भण्डारीलाई डलर देखाई ठगि गर्न प्रयोग गरेका कागज तथा रु.२०/२० दरका नोटको बिटा सहित का.जि. कोटेश्वरबाट पक्राउ गरी आवश्यक कारबाहीको लागी मिति २०७५।०८।१० गते महानगरीय प्रहरी परिसर काठमाण्डौ पठाईएको र थप अनुसन्धान कार्य जारी रहेको ।

प्रतिवादी:-

१. नाम :- नारायण बहादुर भण्डारी
उमेर :- ३६ वर्ष
ठेगाना :- जिल्ला सि.पा.बाह्रबिसे न.पा. बडा न ६
हाल:- जिल्ला भक्तपुर लोकन्थली

बरामद सामानहरु:-
१.बिभिन्न कम्पनीको मोवाईल थान ३ ।
२. डलर भनि ठगि प्रयोग गर्ने कागजको बिटा १ थान
३.रु २० को १५९ थान जम्मा रु.३१८०।-
४. नगद रु ५०००।-
५ . नगरीकता प्रमाण पत्र थान थान २

मिति २०७५/०८।११ गते ।

************************************************************
“धारिलो हतियार प्रहार गरी हत्या गर्ने कार्यमा संलग्न ब्यक्तीहरु पक्राउ”

मिति २०७५।०८।०८ गते दिउसो अ. १३;०० बजेको समयमा जिल्ला काठमाण्डौ का.म.न.पा. वडा नं. ३२ गैरीगाउमा मनिष बानिया समेतका ब्यक्तीहरुले जिल्ला मोरङ उर्लाबारी घर भई हाल जिल्ला काठमाण्डौ सुकुम्बासी टोल बस्ने बर्ष अ. २२/२५ को बिक्की लिम्बु र जिल्ला काठमाण्डौ शान्तिनगर बस्ने अ. बर्ष २२ को अनिल श्रेष्ठलाई धारिलो हतियार प्रहार गरी घाईते भएकोमा घाईतेहरुलाई तत्काल उपचारको लागि सिभिल अस्पताल बानेश्वरमा ल्याएकोमा उपचारको क्रममा घाईतेहरु मध्येका बिक्की लिम्बुको मृत्यु भएको ।

उक्त घटनाको अनुसन्धानको लागि यस महाशाखाबाट प्र.ना.उ. रुगम बहादुर कुँवरको कमाण्डमा खटिएको टोलीले घटनामा संलग्न रहि फरार भएका ब्यक्तीहरुको खोजतलास गर्दै जाँदा ऐ. बेलुका अ. १८;३० बजेको समयमा का.जि. तार्केश्वर न.पा. वडा नं. ७ साङ्लाको बिहानीचोक भन्ने ठाउमा लुकीछिपी हिड्दै गरेको अबस्थामा निम्न ठेगाना भएका मनिष बानिया र महेश परियारलाई फेला पारी पक्राउ गरेको ।

अनुसन्धानको क्रममा मृतक तथा घाईते पक्षसंग मनिष बानियाको आर्थिक लेनदेनको कारोबार रही सोहि बिषयमा बिबाद भई घटना घटाएको, पक्राउमा परेका मध्येका मनिष बानिया यस अगाडि ज्यान मार्ने उद्योग र लागू औषध मुद्दामा पक्राउ परी छुटेको समेत खुल्न आएको ।

पक्राउ परेका ब्यक्तीहरुः-
१. नामथर- मनिष बानिया
उमेरः- २९ बर्ष ।
ठेगानाः- जिल्ला मकवानपुर हर्नामाडी गा.बि.स. वडा नं. ४ घर भई का.जि.का.म.न.पा. वडा नं. १९ गौशाला ।
बाबुको नामः- मोहनराज बानिया ।
२. नामथरः- महेश परियार ।
उमेरः- २४ बर्ष ।
ठेगानाः- का.जि. तार्केश्वर न.पा. वडा नं. ७ साङ्ला .
बाबुको नामः- पुरुषोत्तम परियार ।

मिति:- २०७५।०८।०८ गते ।

*************************************************************
“प्रहरी हुँ भनि ठगी गर्ने पक्राउ”
घटना विबरण:-

बैदेशिक रोजगारीमा लागी मकाउ जानको लागी कृण्ण चौधरीले ऐजेन्ट खुश्बु गुरुङलाई रकम बुझाएकोमा पठाउन नसकेपछी फिर्ता गर्नु पर्ने म असुल गरि दिलाई दिन्छु भनि आफुलाई महानगरीय प्रहरी अपराध महाशाखाको अ.स.ई. हुँ, कार्यालयमा गए तपाईलाई थुनामा राख्नु पर्ने हुन्छ म सबै केश मिलाई दिन्छु भनि धम्क्याई खुश्बु गुरुङ बाट नगद रु १००,०००।- असुल गरि पिडित कृण्ण चौधरीलाई नदिई ठगी गर्ने कार्यमा संलग्न रहेका जिल्ला सिन्धुपाल्चोक चौतारा सागांचोक नगरपालिका वडा न ६ गौराती घर भई हाल जिल्ला ललितपुर चापागाँउ बस्ने दिपेन्द्र अधिकारी भन्ने नारायण बि.क.लाई यस महाशाखाबाट खटिएको प्रहरी टोली मिति २०७५/०७/२१ गते ललिपुर गोदावरी नगरपालिका वडा न ११ चापागाँउबाट फेला पारी मुलुकी फौजदारी अपराध (संहिता) ऐन २०७४ परिच्छेद २१ को ठगी सम्बन्धी कसुरमा आवश्यक कारबाहिको लागी महानगरिय प्रहरी परिसर काठमाण्डौ पठाईएको ।

प्रतिवादी:-
१.नाम :- दिपेन्द्र अधिकारी भन्ने नारायण बि.क.
उमेर :- ३१ वर्ष
ठेगाना :- जि. सिन्धुपाल्चोक चौतारा सागाँचोकगढी न.पा. वडा नं ६ गौराती हाल जि. ललितपुर चापागाँउ बस्ने

बरामद सामानहरु:-
१. नगद रु १६,०००।-
२.नारायण बि.क. को मतदाता परिचय पत्र
३. NTC र Ncell को सिम कार्ड

मिति २०७५/०७/२५ गते ।
*************************************************************
“ नक्कली सुन देखाई ठगी गर्ने व्यक्तिहरु पक्राउ”

घटना बिबरण :

फरार अपराधि पक्राउ एबं गैंह्रकानुनी क्रियाकलाप बिरुद्ध यस कार्यालयबाट संचालन गरिएको बिशेष अभियान अन्तर्गत केहि व्यक्तीहरु बजार भाउ भन्दा सस्तोमा रु. ३५,००,००० ( पैतिस लाखमा एक के.जी. ) सुन दिन्छु भनि ठगि गर्ने नियत राखी हिडी रहेका छन् भन्ने गोप्य सुचना प्राप्त भए पश्चात यस महाशाखाबाट खटि गएको बिशेष टोलीले जिल्ला भक्तपुर, चाँगुनारायण न.पा. वडा नं.९ ताथली स्थित सडकबाट सुन जस्तो देखिने धातुको एक थान बिस्कुट सहित आज मिति २०७५।०७।१९ गते अं. १५:४५ बजे तीन जना ब्यक्तिहरु पक्राउ गरिएको साथै यस कार्यालयबाट थप अनुसन्धान कार्य जारी रहेको ।

पक्राउ व्यक्तिहरु :
नाम : राजेन्द्र तामाङ
उमेर : २४ वर्ष
ठेगाना : जिल्ला धादिङ, गजुरी गा.पा. वडा नं.१
हाल : ल.पु., सातदोबाटो

नाम : राजु लामा
उमेर : ३५ वर्ष
ठेगाना : जिल्ला सिन्धुपाल्चोक, बाह्रबिसे न.पा. वडा नं.३
हाल : का.जि., मातातिर्थ

नाम : राज कुमार तामाङ
उमेर : ३६ वर्ष
ठेगाना : जिल्ला काभ्रे, रोशी गा.पा. वडा नं.३
हाल : ल.पु., ढोलाहिटी
बरामद भएका सामान :-

मिति : २०७५।०७।१९ गते ।

************************************************************
“ शरद गौचन हत्याका मतियार पक्राउ ”

मिति २०७४।०६्।२३ गते दिउँसोे जिल्ला कास्की पोखरा महानगरपालिका वडा नं. ७ स्थायी घर भई का.जि. का.म.न.पा. वडा नं. ३ शान्तिनगर बस्ने नेपाल निर्माण व्यवसायी महासँघका अध्यक्ष वर्ष ६० को शरद कुमार गौचन वा. १३ च. ४९४८ नंं. को गाडीमा सवार रही ओमशान्तिचोकबाट नयाँबानेश्वर तर्फ जाँदै गरेको अवस्थामा अं. १४:५० बजेको समयमा का.जि. का.म.न.पा. वडा नं. ३१ प्रयागचोक खरिबोट स्थित सडकमा प’ग्दा गाडीको अगाडीबाट गोली प्रहार गरी निज शरद क’मार गौचनको हत्या गरेको ज्यान सम्वन्धि घटनाको अनुसन्धानको सिलसिलामा वारदातमा संलग्न रही फरार रहेको प्रतिवादीहरु मध्येका काले भन्ने अम्वर बहादुर राना, लोप्साङ्ग लामा भन्ने सोम तामाङ्ग, काले दाह्री भन्ने रोशन वुढाथोकीलाई मिति २०७५।०७।१२ गते पक्राउ गरी ऐ १३ गते सम्मानित काठमाण्डौ जिल्ला अदालतमा पेश गरिएको ।

उल्लेखित प्रतिवादीहरुले समिरमान सिंह बस्नेतकी श्रीमती माया शेरचन बस्नेतले गोली हान्न हतियार दिएको, निजहरुलाई बाहिर हुदाँ हुण्डी मार्फत रकम पठाउने र नेपालमा हुदाँ नचिनेको मानिस मार्फत पैसा दिने गरेको, घटना पश्चात घटनामा संलग्न व्यक्तिलाई आफ्नै घरमा ल’काई राखेको भन्ने समेतको व्यहोरा खुल्न आई शरद कुमार गौचनलाई गोली हानी हत्या गर्ने कार्यमा समिरमान सिंह बस्नेतको श्रीमती माया शेरचन बस्नेत समेतको संलग्नता रहेको सम्वन्धमा पुष्ष्टि हुन आई थप खुल्न आएकोले माया शेरचन बस्नेतलाई यस महाशाखाबाट खटिएको टोलीले मिति २०७५।०७।१८ गते दिउँसो काठमाण्डौको नागार्जुन नगरपालिकाको दुईधारा भन्ने स्थानबाट पक्राउ गरी आवश्यक अनुसन्धान कारवाहीको लागी आजै महानगरीय प्रहरी परिसर, काठमाण्डौ पठाईएको । अनुसन्धानको लागी सम्मानित जिल्ला अदालत काठमाडौ बाट दिन १० (दश) म्याद थप भई आएको ।

पक्राउ व्यक्ति :
नाम: माया शेरचन बस्नेत
उमेर : ३१ बर्ष .
ठेगाना : जिल्ला कास्की अन्नप’र्ण गाउँपालिका वडा नं.
हाल का.जि. नागार्नजुन न.पा. वडा नं. २ बस्ने ।

मिति २०७५।०७।१८ गते ।

***********************************************************
" कर्तव्य ज्यानका फरार प्रतिवादीहरु पक्राउ पश्चात कारागार चलान"
घटना विवरण :
p align="justify">मिति २०७४।०६।२३ गते दिउँसो राम कुमार खत्रीले चलाएको बा.१३ च ४९४८ नम्बरको प्राडो गाडीमा जिल्ला कास्की पोखरा महानगरपालिका वडा नं. ७ स्थायी घर भई का.जि.का.म.न.पा. वडा नं. ३१ शान्तिनगर बस्ने नेपाल निर्माण व्यबसायी महासंघका अध्यक्ष बर्ष ६० को शरद कुमार गौचन सवार रहि ओम शान्ती चोक तर्फ बाट नयाँबानेश्वर तर्फ जादै गरेको अबस्थामा अं. १४:५० बजेको समयमा का.जि.का.म.न.पा. वडा नं. ३१ प्रयाग चोक खरिबोट स्थित सडकमा पुग्दा अपरिचित व्यक्तिहरुले गाडीको अगाडीको सिसामा ईटा प्रहार गर्दा सिसा फुटेकोले गाडी रोकिदा अगाडिको सिसाबाट गोली प्रहार गरि शरद कुमार गौचनलाई हत्या गरि फरार रहेका गुण्डा नाईके समिरमान सिंह बस्नेत समूहका सदस्यहरु, निम्न अभियुक्तहरु लाई मिति २०७५।०७।१२ गते जिल्ला झापा , काकडभिट्टामा लुकिछिपी बसेको अबस्थामा पक्राउ गरिएकोमा मिति २०७५।०७।१४ गतेको सम्मानित काठमाण्डौ जिल्ला अदालतको आदेशले पुर्पक्षको लागी कारागार चलान गरिएको ।

पक्राउ परेको व्यक्तिहरु :-

नाम :- लोप्साङ भन्ने सोम तामाङ
उमेर :- ४० बर्ष
स्थायी ठेगाना :- जि. झापा , बिर्तामोड न.पा.वडा नं. ५, शनिअर्जुन
हालको ठेगाना :- का.जि., कपन

नाम :- रोशन बुढाथोकी
उमेर :- २६ बर्ष
स्थायी ठेगाना :- का.जि. , नागार्जुन न.पा. वडा नं. ४
हालको ठेगाना :-

नाम :- अम्बर बहादुर राना
उमेर :- ३१ बर्ष
स्थायी ठेगाना :- जिल्ला उदयपुर, रौता-५
हालको ठेगाना :- का.जि., बाफल

मिति :- २०७५।०७।१४ गते ।
*************************************************************
“प्रधानमन्त्री ज्यूको बिषयमा भ्रमपूर्ण समाचार संप्रेषण गर्ने पक्राउ ”

मिति २०७५।०७।१३ गते पाथिभरा अनलाईन डट कम (PATHIBVARAONLINE.COM) बाट सम्माननिय प्रधानमन्त्री के.पी.शर्मा वली ज्यूको स्वास्थ्य सम्बन्धि झुठो तथा भ्रमपूर्ण समाचार संप्रेषण गरी जनतामा भ्रम सृजना गरेकोमा सो अनलाईनका सम्पादक जिल्ला स्याङजा, हरिनाथ गा.पा. वडा नं. ६ स्थायी वतन भई हाल जिल्ला काठमाण्डौ, कागेश्चरीमनहरा न.पा. वडा नं. ८ बस्ने वर्ष ४६ को हरी प्रसाद मानन्धरलाई प्रकाउ गरी विद्युतिय अपराध तथा कसुर अन्तर्गत कारवाही सुरू गरिएको तथा यस प्रकारका कुनै पनि भ्रमपूर्ण झुठो खवरहरू संप्रेषण नगर्न नगराउन हुन सबैमा अनुरोध गरिएको छ ।

पक्राउ व्यक्तिः
नाम थरः हरी प्रसाद मानन्धर
उमेरः ४६ वर्ष
ठेगानाः जि. स्याङ्जा, हरिनाथ गा.पा. वडा नं.६
हाल : का.जि. कागेश्वरीमनहरा न.पा. वडा नं.८
मिति : २०७५।०७।१३ गते ।
*************************************************************
" शरद गौचन/ दुर्गा तिवारी हत्याकाण्ड र दावा लामालाई गोली प्रहार गरी फरार रहेका प्रतिवादीहरु पक्राउ "

घटना विवरण :

मिति २०७४।०६।२३ गते दिउँसो राम कुमार खत्रीले चलाएको बा.१३ च ४९४८ नम्बरको प्राडो गाडीमा जिल्ला कास्की पोखरा महानगरपालिका वडा नं. ७ स्थायी घर भई हाल का.जि.का.म.न.पा. वडा नं. ३१ शान्तिनगर बस्ने नेपाल निर्माण व्यबसायी महासंघका अध्यक्ष बर्ष ६० को शरद कुमार गौचन सवार रहि ओम शान्ती चोक तर्फ बाट नयाँबानेश्वर तर्फ जादै गरेको अबस्थामा अं. १४:५० बजेको समयमा का.जि.का.म.न.पा. वडा नं. ३१ प्रयाग चोक खरिबोट स्थित सडकमा पुग्दा अपरिचित व्यक्तिहरुले गाडीको अगाडीको सिसामा ईटा प्रहार गर्दा सिसा फुटेकोले गाडी रोकिदा अगाडिको सिसाबाट गोली प्रहार गरि शरद कुमार गौचनलाई हत्या गरि फरार रहेका गुण्डा नाईके समिरमान सिंह बस्नेत समूहका सदस्यहरु, निम्न अभियुक्तहरु लाई मिति २०७५।०७।१२ गते जिल्ला झापा , काकडभिट्टामा लुकिछिपी बसेको अबस्थामा पक्राउ गरिएको ।

पक्राउ परेको व्यक्ति :-
नाम :- लोप्साङ भन्ने सोम तामाङ
उमेर :- ४० बर्ष
स्थायी ठेगाना :- जि. झापा , बिर्तामोड न.पा.वडा नं. ५, शनिअर्जुन
हालको ठेगाना :- का.जि., कपन

नाम :- रोशन बुढाथोकी
उमेर :- २६ बर्ष
स्थायी ठेगाना :- का.जि. , नागार्जुन न.पा. वडा नं. ४

नाम :- अम्बर बहादुर राना ( २०७२ मा कालीध्वज गण ,ईलामबाट नेपाली सेनाको भगौडा रहेको )
उमेर :- ३१ बर्ष
स्थायी ठेगाना :- जिल्ला उदयपुर, रौता-५
हालको ठेगाना :- का.जि., बाफल

अनुसन्धान बाट खुल्न आएका कुराहरु :-

१. निजहरु संलग्न अपराध स्वीकार गरिसकेको तथा थप अनुसन्धान कार्य जारी रहेको ।
२. शरद गौचन हत्याकाण्डमा निज अम्बर बहादुर राना मगरले मुख्य सुटरको काम गरेको ।
३. मिति २०७३।०९।०४ गते जिल्ला रुपन्देहीमा, देबदह-७, खैरनीमा भएको दुर्गा तिवारी हत्याकाण्डमा निज लोप्साङ भन्ने सोम तामाङले मुख्य सुटरको काम गरेको ।

४. मिति २०७३।१२।२९ गते अं. बिहान ९:२२ बजेको समयमा का.जि., बौद्ध, नयाँबस्ती स्थित दिव्य पार्टी प्यालेसको जिम क्लबमा जिम गर्न जाँदै गरेको अबस्थामा निजहरुको समूहले काभ्रे घर भएका दावा लामालाई गोली प्रहार गरी घाईते बनाएको , उक्त घटनामा निज अम्बर बहादुर राना मगरले मुख्य सुटरको काम गरेको ।

बरामद भएका सामानहरुको विबरण :-
१. सामसुङ j7 मोबाईल थान-१
२. ओप्पो मोबाईल ,,
३. सामसुङ Dues मोबाईल ,,
४. MI मोबाईल ,,
५. ZIOX मोबाईल ,,
६. Jio कम्पनीको डंगोल थान-२

मिति २०७५।०७।१२ गते ।

************************************************************
“ ठुलो परिमाणमा पटाका भण्डारण गरी बिक्री बितरण गर्ने दुई जना पक्राउ”
घटना विवरण :

फरार अपराधीहरुको खोजतलास तथा साना हतियारको खोजी, लुटपाट एबं चोरी तथा कालाबजारी नियन्त्रण गर्ने बिशेष अभियान अन्तर्गत केही ब्यापारीहरुले नेपालीहरुको महान चाड तिहार तथा छठ पर्व समेतलाइ लक्षित गरी ठुलो परिमाणमा बिष्फोटक पदार्थ (पटाका) भण्डारण गरी बिक्री बितरण गर्ने गरेको भन्ने गोप्य सूचनाको आधारमा यस महाशाखाबाट खटिएको टोलीले त्यस्ता कार्यमा संलग्न ब्यक्तिहरुको निग्रानी राखी खोजतलास गर्ने क्रममा मिति २०७४/०७/११ गते का.जि. का.म.न.पा. २७ महाबौद्धमा अशोक कुमार साहले सञ्चालन गरेको शुसान्त ट्वाईज एण्ड गिफ्ट हाउसबाट २ क्विन्टल (२०० के.जी.) र नन्दलाल साहले सञ्चालन गरेको बिबेक खेलौना हाउसबाट ५ क्विन्टल (५०० के.जी.) अन्दाजी मुल्य रु. ७०,००,०००।–(सत्तरी लाख) बराबरको फेला पारी बरामद गरी यस महाशाखाको नियन्त्रणमा लिईएको । पक्राउ परेका अशोक कुमार साह र नन्दलाल साह उपर थप अनुसन्धान कार्य भई रहेको ।

पक्राउ अभियुक्तहरु:
१.नाम थर : अशोक कुमार साह ।
उमेर : २४ बर्ष ।
वतन : जि. सर्लाही कबिलासी न.पा. वडा नं. ७ हाल जिल्ला काठमाण्डौ का.म.न.पा. वडा नं. १५ कालिमाटी ।
२. नामथर : नन्दलाल साह ।
उमेर : ३८ बर्ष ।
वतन: जि. सर्लाही बबरगंज न.पा. वडा नं. ७ हाल जि. काठमाण्डौ का.म.न.पा. वडा नं.१५ चागल ।

बरामद दशिका सामानहरु :
१) गमला चक्र
२) झिरझिरे
३) रकेट
४) रोल क्याप
५) क्लासिक डिलक्स
६) माल्टा
७) सेभेन स्टार
मिति २०७४/०७/११ गते ।
************************************************************
"आफ्नै श्रीमतीको हत्यामा संलग्न फरार अभियुक्त पक्राउ"
मृतकको विवरण
मृतकको नाम: लक्ष्मी परियार
उमेर : १८ वर्ष
पेशा: विद्यार्थी
मृतकको बुबाको नाम: तुलमान नेपाली
ठेगाना : जि.धादिङ त्रिपुरासुन्दरी -७ हाल का.जि.का.म.पा.-१६ बोराटार
घटनास्थल: का.जि.का.म.न.पा.-३ बसुन्धारा स्पिड गेष्टहाउस कोठा नं.-१०१
घटना घटेको मिति: २०७५/०५/१२ गते राती ।
लाश फेला परेको मिति : २०७५/०५/१५ गते बेलुका ०६:३० बजे ।
घटनाको संक्षिप्त विवरण

मिति २०७५/०५/१३ गते का.जि.का.म.न.पा-३ स्थितमा रहेको स्पिड गेष्टहाउसको कोठा नं.-१०१ मा बस्दै आएका जि.खोटाङ मौवाबोटे-१ निवासी वर्ष-२२ को अनिल परियारले आफ्नै श्रीमती वर्ष-१८ की लक्ष्मी नेपालीलाई मारी फरार भएकोमा विशेष सुचनाको आधारमा अपराध महाशाखाको विशेष टोलीले मिति २०७५/०७/१० गते कास्की जिल्लाको पोखरा म.न.पा- ७ माछापुच्छ्रेटोलबाट पक्राउ गरी यस कार्यालयमा ल्याई सोधपुछ गर्दा निजले आफुले गरेको अपराध स्विकार गरेको र अन्य अनुसन्धान भईरहेको ।

पक्राउ अभियुक्त
नाम : अनिल परियार
उमेर : २२ वर्ष
ठेगाना : जि.खोटाङ बराहपोखरी गाउँपालिका-६ मौवावोटे
पक्राउ मिति : २०७५/०७/१० गते ।

मिति : २०७५/०७/११ गते ।
*************************************************************
“ महिला प्रयोग गरी अपराधिक लाभ ( एक्टर्शन) लिने व्यक्तिहरु पक्राउ ”

ललितपुर जिल्लाको कुपण्डोल एरियामा बस्ने एक जना व्यवसायीलाई फेसवुकमा निशा अधिकारीको नामबाट Friend Request पठाई महिलाले व्यवसायीको मोवाईल नम्वर समेत लिई फोन गरी तपाईको अफिसमा भेट्न आउँछु कुराकानी गर्नुछ भनि फोन मार्फत कुरा गरी मिति २०७५।०३।०१ गते दिउँसो निज निशा अधिकारी नाम वताउने महिला उक्त व्यवसायीको अफिसमा गई आफ्नो नाम ईन्दु हो । घर झापा जिल्लाको बुधवारेमा पर्छ भनि परिचय समेत दिई कुरा गरी थाहा नपाउने गरी मोवाईलको भिडियो क्यामेरा अन गरी सोफामा राखी नजिक हुँदै व्यवसायीको छेउमा गई अंगालो मारी चुम्बन समेत गरेको रेकर्ड गरी निज महिला त्यहाँबाट गएपछि गणेश लामाको नाम बताउने व्यक्तिले निज व्यवसायीलाई IMO बाट फोन गरी सो भिडियो रेकर्ड आफूसँग रहेकोले एक करोड रुपैया रकम माग गरी नदिएमा Youtube र Facebook मा Upload गरी चरित्र हत्या गरी वेईज्जत गरिदिन्छु भनि वार्गेनिङ गर्दै आई डरत्रासमा पारी धम्की दिईरहेको सूचनाको आधारमा अनुसन्धान गर्दा उक्त कार्यमा संलग्न तपसिलमा उल्लेखित ठेगाना भएका वद्रीनाथ लामिछाने र ईन्दिरा उप्रेतीको संलग्नता रहेको खुल्न आई यस महाशाखाबाट वद्री लामिछानेलाई मिति २०७५।०७।०६ गते वेलुका गौशालाबाट पक्राउ गरिएको र ईन्दिरा उप्रेतीलाई आज दिउँसो टेकुबाट पक्राउ गरी अपराधिक लाभ ( एक्टर्शन) को कसूरमा अनुसन्धान कारवाहीको लागि महानगरीय प्रहरी परिसर ललितपुरमा पठाईएको ।

पक्राउ व्यक्तिः
१. नाम थरः वद्रीनाथ लामिछाने
उमेरः ३१ वर्ष ।
ठेगानाः जिल्ला गोरखा पालुङटार न.पा. वडा नं. ८ बस्ने ।
२. नामः ईन्दिरा उप्रेती ।
उमेरः २५ ।
ठेगानाः जिल्ला पाँचथर हिलिहाङ गाउपालिका वडा नं. ४ ।
हाल जिल्ला काठमाण्डौ का.म.न.पा. वडा नं. २६ सामाखुसी बस्ने

मिति २०७५।०७।०७ गते ।

*************************************************************
“ वैंकिङ कसूर तथा ठगी गर्ने कार्यमा संलग्न रहेका व्यक्ति पक्राउ ”

जिल्ला दोलखा मेलुङ गाउँपालिका वडा न.१ पोवटी घर भई हाल का.जि.का.म.न.पा.वडा न. ३२ कोटेश्वर बस्ने दिनेश कोईरालाले जिल्ला खोटाङ् दिप्रुङ् चुईचुम्मा गाउँपालिका वडा न. १ बस्ने श्याम खड्कालाई वैदेशिक रोजगारीको लागि जापान पठाईदिन्छु भनि रु. १९,००,०००।– रकम लिई जापान नपठाएकोले रकम फिर्ता माग गर्दा निज दिनेश कोईरालाले आफ्नो वैंक खातामा पर्याप्त मौज्दात रकम नभएको जानी जानी रु. १९,००,०००।– चेक काटी श्याम खड्कालाई दिएको सम्वन्धमा पिडितको उजूरी पर्न आई यस महाशाखाबाट खटिएको टोलीले निज दिनेश कोईरालाको खोजतलास गर्ने क्रममा मिति २०७५।०७।०६ गते विहान ०९;०० वजेको समयमा का.जि. का.म.न.पा. वडा नं. ४ वालुवाटारमा निज दिनेश कोईरालालाई फेला पारी पक्राउ गरी वैकिङ कसूर मुद्दामा आवश्यक कारवाहीको लागि आजै महानगरीय प्रहरी परिसर काठमाण्डौमा पठाईएको ।
अनुसन्धानको क्रममा निज दिनेश कोईरालाले अन्य व्यक्तिहरुलाई समेत विभिन्न वहाना बनाई विदेश